Sola endeleg tilbake og litt egentid i skog og mark.

 

Ei stund sidan sist hymnetur. Men, dagen i dag vart det tur. Denne gangen gjekk turen opp Stegane og opp til Stamnesfjella og så til Skreddarstølen og vidare til Middagshaugen og ned igjen. Hadde og planer om å finne vegen til Åsen, men det fant eg ikkje denne gangen heller. Planen var å spele der oppe. Men, får prøve igjen ein annan gang. 

Men, eg fant meg ein anna fin plass å spele når eg gjekk litt ut av oppmerka sti.

Turen her i frå gjekk vidare mot Skreddarstølen. Der kan ein få seg 10 trimpoeng. Fant fram til slutt. Men, kunne registere trimpoeng lenge før. :)

Har endeleg fått meg eit skikkeleg turnotestativ. Fungerer veldig fint. Gåstaver kan brukast til så mangt.
Veldig kjekt å kunne bruke staver til noko anna enn som støtte i opp og nedover bakkane. Spelinga er som så med, Er ikkje akkurat perfekt spelt, men så er det vel turen i seg sjølv som er målet. Men, kjekt å kunne gjere noko anna for å auke motivasjon til å øve meir. Har blitt meir øving i det siste. Men, det er det Bordogni som har skulda for. Kjekke etyder å spele. Nei, dei blir ikkje tatt opp og lagt ut på nett.

Så gjekk turen vidare til Middagshaugen.

Trur det må vere første gangen det har vert ein kornett der oppe. Kjekt var det å stå og spele der oppe. Hadde vert kjekt å kunne stå der oppe 17.mai kl 08.00 og spelt Ja, vi elsker. Får sjå om det lar seg gjere og om ein får tid til det.

På hymnetur på Skjærtorsdag

 Skjærtorsdag var det den vanlege runden og ein tur til Skyggeberget, så til Geithaugen og deretter til Gapahuken og så ned igjen.

Hadde med meg fotograf denne gangen og. Er jo moro med desse kornetturane mine. Er kun den 2. turen til no. Men, det blir fleire så snart sola kjem igjen. Litt kjedelig med hymnebok som blir gjennomvåt av regn. Noko laminert hymnebok har ein ikkje. Og har ingen planer om å lage det heller. Målet er å lære seg hymnen utanatt. Til det trengs det meir øving til. Men, så var det denne tida da som ikkje alltid går etter min plan. Brått må ein vere privatsjåfør i tillegg. Får statse på helgene. Da skjer det ikkje noko sidan det er veldig lite med øvingar og konsertar.

Å prøve ut nye notestativ er alltid kjekt. Denne gangen vart det eit tre. :)

Heldigvis så holdt den seg på plass til hymnen var ferdigspelt. :) Trur eg må ha med meg klesklype neste gang. :)

Inga kornett-tur i dag....

 Men, det var ei god økt med Bordogni og hymner/salmer. Kva er eigentleg forskjell på ein hymne og ein salme? For meg er det akkurat det same. 

Har lært meg ein ting i dag, eller oppdaga på nytt igjen. at ein og same etyde i 2 forskjellige tonearter kan totalt forandre karakter. Og det er ganske fasinerande. Da vart det til at ein fann fram salmeboka og begynte å spele påskesalmer. Da var det og ei god økt med å transponere og frå C til Bb. Det blir litt feil og spele det som står notert i salmeboka enn å spele den i riktig toneart.

Det blir nok fleire turer med kornetten og hymneboka framover. Det var hovudet mitt og regnet som satte ein stopper for tur i dag med kornett. 

På tur med Neo og hymneboka. 🎺🎵🎶🎺

 Sidan ein ikkje får spelt så mykje med andre for tida, og det blir lite med øving fordi ein har mest lyst til å gå på tur for å koble av litt frå korona-kvardagen. Da er det godt å kome seg ut på tur. Men, det går jo utover kornetten. Så no har eg faktisk begynt å ta med Neo på tur. Her på Stamnes har vi sånne trimpoeng der ein registerer seg for å få poeng. Så på kvar ny stad eg tar med meg kornetten, så blir det spelt ein hymne frå Hymneboka. Starter på nr 1. Så i dag vart det ein kjapt tur bak huset til Geithaugen og Gapahuken.

Notestativ er ikkje noko særleg å ta med seg på tur. Eller det gidder ein ikkje å ta med seg. Ikkje noteklype ein gang. Det høyrer ikkje med. Så da var det berre å bruke sekken som stativ.

Hadde planer om å gå tur aleine, men da det brått dukka opp påskerebus i regi av idrettslaget, så fekk eg med meg ein fotograf på turen og. Og til og med publikum og på 4 bein som fulgte med oss heile turen.

Første gangen eg har stått oppe på Geithaugen og spelt. Har tenkt på det vel og lenge å ta turen ut med kornetten for å spele. 

Sidan ein kan og få poeng på Gapahuken, så var det hymne nr 2. Og med ligg regn, så var det veldig kjekt med "notestativ". Gapahuken har fine dyr som ein kunne bruke som notestativ. Fungerte heilt fint det. :)

Publikum og fotograf var forsatt med på turen. Publikum på 4 bein fulgte trufast med heile turen. Innimellom med litt bærehjelp pga det var litt for vått. Da var det godt fotografen kom til unnsetning.

Ein ting er sikkert, trur ikkje det har vert ein kornett i gapahuken før. :)

Hymnene er kun 1 opptak og ikkje noko redigering av lyd. Så det blir som det blir. :)

https://www.youtube.com/playlist?list=PLjaI51iAhw7Mt62OhcSKf4k-XNxix-TlZ

Kornett og heksejakt

I full gang mot neste NM i april 2019.

3 dager til ende med mykje god øving. Og det har vert kjekt. Blir berre enda meir inspirert til øve mykje meir. Trudde det var dobbeltunge eg skulle jobbe mest med. Eg får vel berre forsetje på enkeltunge. Målet er å kome over 144. Blir mykje piping ved gangoverfeltet i stova da ifølge min mann da eg brukte nesten ein time på å spele på g (f-natura) å spele enkeltunge med metronom.
Så skal det bli briliant til slutt. Det er i vert fall målet.

Viss ein trur ein kan slappe av dagen etter ei helg med 3 dager på rad med øving, så tar ein feil. Først litt egenøving og så til Minde igjen og øve med LMK igjen. :) Bergen t/r 4 dager på rad. Så spørs det om eg er like heldig med å kome meg igjennom kolonnekøyringa som eg gjorde sist mandag og på fredag. Er jo lov til å håpe. :)

NM i janitsjar nr 2.

Neo og meg tok turen Trondheim no den 16.mars-18.mars for å vere med å spele på NM saman Lungegaardens Musikkorps. Dette mange veker med terping og pirking og slitt SPA og ein god del massasje (i form av woodblock og trommestikke), så kom vi på 4.plass med 94,5 poeng. Beste plasseringa til i NM-samanheng. Begynte med 5.div i brass for så å gå over til janitsjar og 2.div. I fjor vart det 10.plass, men klatra opp 6 plasser. :)

NEO si reise frå august 2016 til no

I august starta turen til Grått Kurs på Voss og møte med janitsjar-musikkens verden. Blir like mykje spelt i brass og. Men, eg berre måtte spele meir av den type musikk. For det var kjempekjekt.

Så i midten av august 2016, nærmare bestemt 15.august, tok ein turen til Bergen og Kronstad skule og første øving med Lungegaarden Musikkorps. Der vart det opna nokre vindu med Windows of the World og HordaAmatøren. Tok ein 3.plass i 2.div. Første gang ein fekk spele i den store salen i Grieghallen. Og det er berre fantastisk gøyå spele i ein så stor sal.

Ikkje lenge etterpå gjekk turen vidare til Stavanger, nærmare bestemt Sola og JanAm. Der kom ein på 2.plass. Ein var faktisk innom elitedivisjon. Men, det var ikkje eit einaste elitekorps med i denne konkurransen. :)

Ca 2 veker etterpå, så var det julekonsert med LMK og BM. I tillegg til det med som støttespeler med i skulekorspet. Så 4 julekonserter før jul vart det. Hektisk men gøy. :)

Nytt år og nye moglegheiter.

Da starter ein med å øve inn NM-repetoar. Først teste ein del stykker for å sjekke kva ein skal spele. Det ente på Give us this day med David Maslanka. Han er vel janitsjarkorpsa sin store komponist som Philip Sparke er for brassbanda.

2 veker før NM, så var det basarkonsert med BM. Veka etterpå, så var det Tidenes store FØR-NM konsert i Grieghallen. Totalt var det med 8 korps. LMK spelte som nummer 3. Var kjekt å få spele igjen i den store salen. Dette kan bli årleg. Det var i vertfall kjempekjekt. Noko smårusk for min del. Men, akkurat no så har eg bestemt meg for å ikkje øve så veldig mykje på desse taktene før NM. Det andre ting som må perfeksjonerast litt meir. Det får ein gjere no dagen før siste øving før det er avreise til Trondheim og NM i janitsjar. Eg gleder meg. :)